मिशन फुटबॉल डे
आज दयाने मुले शाळेत फुटबॉल डे साजरा झाला .
प्रत्येक मुलाने आपापल्या परीने फुटबॉल खेळले .न बोलणारा मुलगा देखील क्रिडांगणावर ओरडत होता , टिमला चिअर अप करत होता . एक गोल झाल्यावर चेहऱ्यावर आनंद होता जणू एक गड जिंकल्याचा.
मोठया मुलांना खेळतांना पाहून लहान वर्गातील मुले उत्साही झाले व विचारू लागले , " आम्हांलाही खेळायला मिळेल का ? " हसायलाही येत होतं . मनात प्रश्न येत होता की , ह्या लहान मुलांना खेळता येईल का ?पण शेवटी त्यांचा नंवर लावला कारण इतरांचा खेळ
बघून काहीतरी नक्कीच शिकतिल .
मात्र ह्याच लहान मुलांनीच खरा आनंद घेतला कुणी अम्पायर नाही , कुणी रागावणारा नाही , कुणी आऊट म्हणणारा नाही फक्त किक मारा आणि बॉलला हलवा . कुणी किक मारतांना बघितले की कुणी बॉल हातात घेऊन पळायचे , बॉलला किक मारू देत नसे , पण समजावल्यानंतर पुन्हा खेळ सुरू . खर पाहता ह्याच लहान मुलांचा आनंद महत्वाचा.
निर्मळ आणि निरागसता प्रत्यक्षदर्शी दिसत होती . ह्या मुलांना पाहून आम्हांला चेतना मिळाली, प्रेरणा मिळाली
" प्रत्येक क्षणाचा आनंद मनसोक्त घ्या . "
No comments:
Post a Comment